في عالم طب الأسنان، التكنولوجيا بتتطور بسرعة، ودايمًا بيكون فيه فرص جديدة للدكاترة علشان يطوروا من نفسهم ويقدموا أفضل خدمة لمرضاهم. ومن هنا، جات فكرة “الدنتوفيرس”: منصة مبتكرة تجمع بين التعليم، التواصل، والأفكار المبتكرة في مكان واحد.

إيه هو الدنتوفيرس؟

الدنتوفيرس هو ويبسايت معمول مخصوص لدكاترة الأسنان والمهتمين بالمجال. فكرته بسيطة: يبقى مكان شامل يقدر يساعد الدكاترة في أربع حاجات رئيسية:

كورسات أونلاين:

الكورسات مش مجرد فيديوهات! إحنا بنشتغل مع الدكاترة اللي بيقدموا الكورسات بحيث يبقوا جزء من نجاح الكورس. بمعنى إن الدكتور اللي بيشرح بيكون شريك في الكورس، فبيكون حريص إن المحتوى يفضل محدث ومفيد.

الأجندة:

عندنا تقويم (أجندة) فيه كل الأحداث والكورسات الأوفلاين اللي في مصر أو برة، سواء مؤتمرات أو ورش عمل. كمان لو فيه حاجة ليها تذاكر، تقدر تحجزها من الموقع بسهولة، ولو حاجة ببلاش أو محتاجة متابعة، نعمل لك تنبيه آلي لما يقرب موعدها.

الشراء الجماعي:

بدل ما كل دكتور يشتري لوحده ويواجه صعوبة في الأسعار، إحنا بننظم شراء جماعي لمواد طب الأسنان. يعني لو اشترك عدد كفاية من الدكاترة، نقدر نجيب خصومات كبيرة من الشركات. وكل اللي عليك إنك تدفع اشتراك بسيط وتكون ضمن المجموعة.

السحب على الجوائز (جيف أواي):

بالتعاون مع الشركات، بنقدم مسابقات وسحوبات على جوائز حقيقية. كل ما تعمل حاجات بسيطة زي لايك أو مشاركة، فرصتك في الفوز تزيد.

مقالات بالعربي:

بنقدم مقالات مفيدة ومبسطة لكل دكتور أسنان. مفيش لغة صعبة أو تعقيد، كل المقالات معمولة علشان تفيدك وتوصل المعلومة بسهولة.

ليه الدنتوفيرس؟

لإنه مش مجرد موقع. هو مجتمع متكامل بيجمع دكاترة الأسنان في مكان واحد. سواء كنت لسه بادئ أو عندك خبرة، هتلاقي حاجة تناسبك وتفيدك.

إزاي أقدر أشارك؟

الموضوع بسيط جدًا:

زور موقعنا , اعمل حساب شخصي.

و ابدأ اكتشف الكورسات، الأحداث، والعروض الموجودة.

دنتوفيرس مش مجرد فكرة، هو حلم بنحاول نحوله لواقع يخدم كل دكتور أسنان.

مستني إيه؟ شارك معانا !